"France Football"-ის ინფორმაციით, მიუნჰენის "ბაიერნის" მთავარი მწვრთნელი ლუი ვან გაალი კლუბის ხელმძღვანელებს "ლიონისა" და საფრანგეთის ეროვნული ნაკრების ნახევარმცველის ჟერემი ტულალანის შეძენას სთხოვს. ჰოლანდიელი სპეციალისტი აღნიშნული ტრანსფერის აუცილებლობას იმ ფაქტით ხსნის რომ მიმდინარე სეზონის ბოლოს კონტრაქტი უმთავრდება მიუნჰენელთა კაპიტან მარკ ვან ბომელს, ხოლო მეორე საყრდენმა, უკრაინელმა ანატოლი ტიმოშჩუკმა ვერაფრით ვერ მოახერხა იმედების გამართლება. "ლომები" თავის მხრივ ფეხბურთელის ტრანსფერს არ გამორიცხავენ, თუმცა მინიმალურ სატრანსფერო თანხად 20 მლნ. ევროს ასახელებენ.
