ირაკლი კლიმიაშვილი კვლავ ოდესის ჩერნომორეცის შემადგენლობაში ვარჯიშობს. პირველ დღეებში მან დადებითი შთაბეჭდილება მოახდინა და ამიტომაც გუნდის სამწვრთნელო შტაბის გადაწყვეტილებით, საქართველოს ახალგაზრდული ნაკრების ნახევარმცველზე უკეთ დასაკვირვებლად იგი თურქულ შეკრებაზე წაიყვანეს. დღეს ანთალიაში ჩერნომორეცი საკონტროლო მატჩში ბაქოს ნეფთჩის შეხვდება და სავარაუდოდ, თამაშის საშუალება კლიმიაშვილსაც მიეცემა.
ცნობისათვის, კლიმიაშვილს ვიტ ჯორჯიასთან მოქმედი კონტრაქტი აკავშირებს და აქედან გამომდინარე, თუ ყველაფერი კარგად წარიმართა და ჩერნომორეცში მოეწონათ, კლუბები სატრანსფერო თანხაზე წამოიწყებენ მოლაპარაკებას. თუკი ფეხბურთელი უკრაინელებმა არ დაიტოვეს, იგი საქართველოში დაბრუნდება და სეზონს ვიტ ჯორჯიაში ჩაამთავრებს.
21 წლის კლიმიაშვილი საქართველოს ახალგაზრდულ ნაკრებში სისტემატურად თამაშობს, ეროვნულ გუნდში კი ექტორ კუპერის ხელმძღვანელობით 5 მატჩი ჩაატარა.
