”ჯენოასთან” გუშინ ფრედ დამთავრებული მატჩის შემდეგ ”იუვენტუსის” მწვრთნელები და ფეხბურთელები იმედგაცრუებას ვერ მალავდნენ. გთავაზობთ ”ბებერი სინიორას” მთავარი მწვრთნელის ჩირო ფერარასა და გუნდის ახალწვეულ ფელიპე მელოს მცირე კომენტარებს.
ჩირო ფერარა: ”მე არ დამაკმაყოფილა მატჩის საბოლოო შედეგმა, მაგრამ ძალიან მომეწონა ის ნაჩვენები თამაში, რომელიც ჩემმა ფეხბურთელებმა გულშემატკივარს შესთავაზეს”.
ფელიპე მელო: ”ძალიან გაბრაზებული ვარ, რადგან დავკარგეთ აბსოლუტურად დამსახურებული ორი ქულა. ჩვენ მშვენივრად ვითამაშეთ. ასეთი შემადგენლობით მთების გადაბრუნებაც კი შეგვიძლია”.
