"მილანის" ბრაზილიელმა თავდამსხმელმა ალეშანდრე პატომ გუნდთან კონტრაქტი 2014 წლამდე გაახანგრძლივა, ამის შესახებ გამოცემა Football Italia იუწყება. ახალი ხელშეკრულების პირობების თანახმად პატო გაომარგებულ ანაზღაურებას მიიღებს. შეგახსენებთ, რომ გასულ ზაფხულს ვრცელდებოდა ხმები იმის თაობაზე თითქოს პატო "ჩელსიში" უნდა გადასულიყო, სადაც კარლო ანჩელოტი დაინიშნა მთავარ მწვრთნელად. თვითონ ფეხბურთელიც ფიქრობდა ლონდონში გადაბარგებაზე, მაგრამ ის გუნდმა არ გაუშვა. "მილანის' ხელმძღვანელებმა განაცხადეს, რომ პატო არ იყიდება! აპენინებზე პატო 2007 წელს გადავიდა, ბრაზილიური "ინტერნასიონალიდან". მან "როსონერის" შემადგენლობაში 58 მატჩში 26 გოლის გატანა მოახერხა. ასევე ფეხბურთელმა ბრაზილიის ეროვნულ ნაკრებში 8 თამაშში 1 გოლის გატანა მოახერხა.
