ესპანური გამოცემა AS იტყობინება, რომ ესპანეთის მთავრობა დაამტკიცებს კანონპროექტს, რომლის თანახმადაც ეგრეთ წოდებული "ბექჰემის კანონი" 2010 წლის 1 იანვრიდან ძალას დაკარგავს. აღნიშნული კანონი ესპანეთში 2003 წელს მიიღეს, ინგლისელი დევიდ ბექჰემის შეძენის წინ, ამიტომაც მას "ბექჰემის კანონს" ეძახიან. აღნიშნული კანონის თანახმად უცხოელი მოთამაშეები, რომლებიც ესპანურ კლუბთან გააფორმებდნენ კონტრაქტს და მათი წლიური შემოსავალი 600 000-ზე მეტი იქნებოდა ისარგებლებდნენ საგადასახადო შეღავათებით. კანონი მიზნად ისახავდა ხელი შეეწყო ლა ლიგაში ვარსკვლავი ფეხბურთელების მოწვევას. ახალი წლიდან კი ეს კანონი გაუქმდება და ყველა ფეხბურთელს, რომელიც ლა ლიგაში ითამაშებს ერთნაირი საგადასახადო დაბეგვრის საგანი იქნება.
