 "რომას" მთავარი მწვრთნელი ოპტიმისტურადაა განწყობილი. მისი განცხადებით, "ჯიალოროსი" ევროპის ლიგას მოიგებს, მათი პირველი მსხვერპლი კი "პანათინაიკოსი" იქნება. შეგახსენებთ, რომ რანიერის გუნდი და ბერძნული გრანდი ერთმანეთს უკვე შეხვდნენ 1/32 ფინალურ ეტაპზე, პირველი მატჩი ბერძნების სასარგებლოდ დასრულდა, მაგრამ ამ წყვილში ფავორიტის სტატუსს კვლავ "რომა" ინარჩუნებს. "ჯიალოროსი" ბრწყინვალე ფორმაშია, "პანათინაიკოსთან" შეხვედრამდე, დედაქლაქელებს 21 მატჩიანი წაუგებელი სერია დაუგროვდათ, მაგრამ ბერძნებმა ყველაფერი გააფუჭეს. რომაელებმა ევროპის ლიგის თასი ბოლოს 1961 წელს მოიპოვეს. რანიერის ამბიციები სრულიად გასაგებია, მისმა გუნდმა საბერძნეთში 2–3 წააგო, ეს კი არაფერს ნიშნავს, ამ წყვილის ფავორიტად ისევ "ჯიალოროსი" რჩება. ყველა ფეხბურთის გულშემატკივარი მოუთმენლად ელის განმეორებით შეხვედრას, სადაც უძლიერესის ვინაობა გაირკვევა. "ევროპის ლიგის მოგება ძალიან მინდა, 50 წლიანი პაუზის შემდეგ ნავსი უნდა გავტეხოთ... "პანათინაიკოსის' დამარცხება ადვილი არ იქნება, მაგრამ უპირატესობა ჩვენს მხარესაა." – განაცხადა კლაუდიომ "რომას" ოფიციალურ საიტთან ინტერვიუში. "შანსები 50–50–ზეა, ყველაფერი ხვალ საღამოს გაირკვევა, წინ ძალიან საინტერესო და დაძაბული შეხვედრის ჩატარება მოგვიწევს. აუცილებლად უნდა გავიმარჯვოთ." "ყოველი ჩვენგანი მაქსიმალურად მოტივირებულია, ფეხბურთელებს ტიტულის მოგება უნდათ, გუნდში შესანიშნავი განწყობაა." – დაასრულა იტალიელმა. | 
