ზურგის ტკივილებმა არ მისცეს უკრაინელ ფეხბურთელს საშუალება გაეგრძელებინა ვარჯიშები ისრაელში, სადაც კიევის “დინამო“ ახალი სეზონის დაწყებისათვის ემზადება. პირველი ვარჯიშის დაწყებისთანავე შევჩენკო იძულებული გახდა ექიმებისათვის მიემართა. მოცემულ სიტუაციაში გადაწყდა, რომ ფეხბურთელი მიუნხენის კლინიკაში გაეგზავნათ, რომლის წამყვანმა ექიმმაც მშვენივრად იცის უკრაინელის პრობლემების შესახებ. დინამოელი დღეს გაემგზავრა გერმანიაში, სადაც უახლოეს რამოდენიმე დღეს დაყოფს.
